Nú eru allar vörur Urtasmiðjunnar komnar í nýjan og glæsilegan búning.

Á vordögum kynnum við nokkrar nýjar og spennandi tegundir.

Í frétt í sjónvarpinu fyrir stuttu segir að Danir séu búnir að banna rotvarnarefnin paraben í vörum fyrir börn undir 3 ára. Mega þá allir eldri en 3 ára skaðast af þessum efnum?
Þessi efni ættu að vera bönnuð fyrir alla! Málið er hinsvegar þetta: ef Parabenin yrðu bönnuð færi mest-allur snyrtivöruiðnaður í heiminum á hausinn því paraben eru þau efni sem flestir snyrtivöruframleiðendur nota sem rotvörn í sína framleiðsu í dag.
En það er ekki spurning um hvort þessi efni verða bönnuð heldur hvenær.

Vandinn við rotvarnir í snyrtivörum

Það verður ekki hjá því komist að rotverja öll krem  sem innihalda vatn, annars skemmast þau og mygla eftir fáeinar vikur. En það eru sem betur fer framleidd rotvarnarefni sem eru lífræn og eingöngu unnin úr jurtum og ávöxtum.
Þau eru ekki bara hættulaus, heldur gera þau húðinni líka gagn, eru vítamínauðug og næringarrík og auka því enn frekar á hollustuvirkni kremanna.
En gallinn er bara sá að þau eru margfalt dýrari en parabenin og þráast því snyrtivöruframleiðendur við að nota svo dýr efni, því annars yrði þeirra fjárhagslegi gróði  minni.

Hvað gerum við?

Við hjá Urtasmiðjunni höfum kynnt okkur vel öll innihaldsefni sem algeng eru í snyrtivörum og fannst okkur löngu tímabært að fólk hefði eitthvert val, hvort það vildi nota hreinar, lífrænar og heilsusamlegar snyrtivörur eða þessar sem algengastar eru og fullar af kemískum efnum sem eru talin geta verið mjög varasöm eins og alltaf er að koma betur í ljós við rannsóknir á innihaldsefnunum.

Í Urtasmiðjunni notum við okkar dásamlegu íslensku heilsujurtir í alla okkar framleiðslu, um 20 tegundir af íslenskum jurtum og einnig erlendar heilsujurtir sem ekki geta vaxið hér á landi á okkar stutta sumartíma. Það hráefni, t.d. grunnolíur og jurtasmjör, sem við þurfum að flytja inn er allt vottuð lífræn vara og notum við engin hráefni nema þeim fylgi vottun frá alþjóðlegum og viðurkenndum aðilum.

Við erum svo heppin að hafa náð í þessi lífrænu rotvarnarefni sem framleidd eru úr jurtum  og ávöxtum og erum búin að nota þau um árabil og virka þau sem fullkomin rotvörn.
Sama er að segja um þráavörnina sem við notum, hún er unnin úr ýmsum jurtum og er nauðsynleg  í allar vörur sem innihada fituefni s.s. olíur eða jurtasmjör til að varna því að vörurnar þráni.

Fólki finnst frábært að geta loksins fengið íslenska snyrtivöru sem er lífræn og framleidd að öllu leyti hér á Íslandi með okkar frábæru hreinu íslensku jurtum í stað þess að láta framleiða hana erlendis og flytja hana tilbúna hingað. Við framleiðum um 20 vörutegundir; krem, smyrsli, bað- og nuddolíur og getið þið skoðað og keypt  allar vörutegundirnar hér á heimasíðunni og kynnt ykkur þessar hreinu og heilsusamlegu vörur. – Þær eru hreinar og frískandi eins og andblær okkar íslensku náttúru og eru hrein upplifun fyrir húðina þína.

Svo fást þær í öllum helstu náttúruvöruverslunum á landinu, og hérna í vefversluninni okkar.

Með bestu kveðjum til ykkar,

Gígja Kj. Kvam
eigandi Urtasmiðjunnar